鄴山講堂是明末清初黃道周講學箇所在，內底設 三近 、 樂性 、 與善 三堂。現在佇龍海江東橋向西，沿溪向北行1.5公里赫位，北溪箇南岸鄴侯山箇山麓，即箇所在舊名是叫做蓬萊渡。 1、鄴侯山。咱先來瞭解鄴侯山箇來歷，鄴侯山箇原名是焦桐山，黃道周箇朋友共伊講： 其骨似鄴侯也 ，黃道周著決定甲即座山叫做鄴侯山，即箇帶黃道周《鄴侯山手記》卷末內底有題著。 2、鄴侯。鄴侯是誰？伊著是唐朝李泌。李泌(722一789年)，字長源。京兆人。曾築室南嶽，隱居讀書，唐德宗箇時陣八做到宰相，奉封做鄴侯。李泌真愛囥冊，唐