小梅嶺物語 城北箇小梅嶺降壇的仙姑內底，有三個諸姥儂是最可憐箇，這三個儂著是西陵李八娘、梁氏小才女共槐陰仙子李氏。續落來我著先來共逐家講西陵李八娘箇故事。 西陵李八娘字蕙蘭，是唐朝箇名妓，雖然講伊是做即種免本錢箇生理，呣佫以前箇妓女共現在是無共款箇，琴棋書畫逐項攏總精通，佇唐朝迄箇時與儂叫做名妓，亦呣是講真簡單箇事誌。俗話講紅顏薄命是講甲一點亦無呣著，即箇排項攏解曉箇諸姥儂伊愛著洛陽箇讀冊儂蘇生。蘇生是一箇儒生，佇迄箇時陣，讀冊儂去風月場所亦呣是講是見不得儂箇事誌，反而儂解講儂不風流枉少年。但是