岳口德進廟佇新華東御史巷（共牛屎巷共音），原底個廟真早以前著已經無去也，現在有關建廟、重修個匾甲碑攏總無去也，無人知影即座廟是第時建個。帶上世紀七十年代末，廟去奉拆起，改建作一棟兩層樓懸個居民厝。八十年代中期，當地人帶另外一位重建，祀伽藍大王、謝府元帥。1998年，帶德進廟后壁佫再建祖師公廟共閻羅天子廟。祖師公廟祀廣濟祖師、觀世音，閻羅天子廟祀閻羅天子，崔判官、李判官共十殿閻羅。